ROXAS CITY – Nagparekord sa Roxas City Police Station ang isa ka warehouse custodian matapos nga ginpahog nga patyon sang iya kaupod sa trabaho sa isa ka telecommunication company sa Barangay Bolo, Roxas City.
Ang tagreklamo ang ginkilala nga si Robert Chang, 43 anyos sang Barangay Milibili, sining siyudad.
Suno kay Chang nga samtang yara sila sa trabaho, ginsaway sini ang iya kaupod nga si Jhonel Villar sang banwa sang Sapian matapos nga ginkuha sini ang isa ka wire nga wala sang pahanugot.
Sa iya pagkompronta kay Villar, nakatuad si Chang nga ireport niya ini sa ila nga supervisor.
Bangud diri ginsumbag ni Villar si Chang kag ginpahog pa nga pagapatyon.
Bangud sa kahadlok kag pagkahangawa sa iya seguridad, ginpakamaayo ni Chang nga ipabalhag sa pulisya ang natabo.
