ROXAS CITY – Natalana nga ipaguwa subong nga semana ang warrant of arrest batuk sa duha ka mga suspek nga responsable sa illegal recruitment activity sa siyudad sang Roxas.
Ang nasambit nga warrant of arrest ang igaserbi sang mga kapulisan batuk kanday Korean National Kim Taehyeong kag Ramilyn Andrade.
Suno kay Police Master Sergeant Ronnie Recto, imbestigador sang Roxas City PNP nga ginadalian naman nila nga maserbi ang amo nga Warrant of Arrest batuk sa nasambit nga mga suspek.
Nahibaluan nga ginahulat pa nila ang order gikan sa korte agud mahatagan sang hustisya ang ilegal nga aktibidad sang mga suspek matapos nabiktima ang kapin sa 200 ka mga indibidwal sang illegal recruitment.
Base sa latest monitoring, nagapabilin sa probinsya sang Capiz si Taehyeong kag Andrade kag isa ini sa mga rason agud indi na sila makahalin ss probinsya.
Samtang, luyag naman sang mga biktima sang illegal recruitment nga kun mahimo mabalik sang mga suspek ang ila mga nagastos nga kuwarta.
Dugang pa ni Recto nga nagpasalig naman si Taehyeong nga igabalik sini ang tanan nga kwarta sang mga biktima.
Samtang, nakahanda naman nga atubangon nanday Andrade kag Taeyong ang kaso nga igapasaka batuk sa ila.
