IX, Roxas City – Nasunog ang washing machine sa isa ka puluy-an matapos mag-overheat sa Barangay IX, Roxas City.
Ang tag-iya sang balay ginkilala sakay Lenita, 60-anyos, nga residente sang nasambit nga lugar.
Sa interview sang Bombo Radyo kay Senior Fire Officer II, Junemar D. Galve, Chief Public Information Section sang Bureau of Protection Roxas City, iya ginpahayag nga sa takna sang 4:54 sang aga Agosto 21 nagluntad ang sunog kun sa diin gilayon naman ini na tapna sang tag-iya.
Suno kay Galve bangud sa na overload natabo nga pagkasunog sang iya appliance, kag bilang kabahin sang pahanumdom mahimo nga malikawan ang pagkasunog pinaagi sa indi pag pabaya nga naga andar, pag sekyar nga kun pwedi pa gamiton, kag wala na ini lang man ginabantayan pilion nga i unplug ang saksakan.
Pahayag pa niya makabulig man sa paglikaw sang sunog ang pag bakal sang kagamitan sa lihitimo kag pag sigurado kun aprobado ini sang Department of Trade and Industry “DTI”, nga may yara sang Philippine Standard “PS” Mark nga may official physical quality kag safety seal nga gin-isyu sang DTI pinaagi sa Bureau of Philippine Standards “BPS”.
Dugang pa sang natungdan, daku man ang bulig sang pagpabilin nga kalmado sa tion sang sunog bangud ini nagahatag sang kahigayunan nga makaisip gilayon sang husto nga aksyon, pareho sang pagpalong sang gamay pa nga kalayo, pag-alerto sa kaupdanan sa balay kag pagtawag sa katapo sang bombero.
Sa karon ginapahanumdom ang tanan nga agud matapna insigida ang sunog, mahimo nga i-off ang main switch kay wala na ini sang kuryente nga naga daloy kun sa diin pagkatapos sa sini pwedi na ini basyahan sang tubig agud nga mapalong ang kalayo.
