Watchman nagparekord sa pulisya matapos nga ginaalegar may yara sang isa ka lalaki nga nagpanumbag sa ospital

ROXAS CITY – Nagpablotter sa Roxas City Police Station ang isa ka watchman sang Roxas Memorial Provincial Hospital matapos nga ginaalegar may yara sang isa ka lalaki ang nagpanumbag sa sulod sang nasambit nga ospital.

Suno sa watchman nga si Alwin Alcantara, 49 anyos sang Barangay Inzo Arnaldo, Roxas City, ginaalegar nga ginsumbag ni Roland Barroa, 35 anyos sang Barangay Daga, Panay, Capiz ang isa ka wala matumod nga lalaki bangud sa ginapasuni nga pagbisita sini sa anak ni Barroa nga isa man ka pasyente sang nasambit nga ospital.

Ginaalegar nga bisita sang utod nga babayi ni Barroa ang ginsumbag nga lalaki.

Bangud sa natabo ginparekord na lamang sa pulisya ang insidente.