ROXAS CITY – Kinahanglan nga ipaidalum sa reconstruction ukon rehabilitasyon ang water treatment facility sang Sanitary Landfill sa Barangay San Jose, sining syudad.
Ginpahayag ni Engr. Margarita Maestro, Community Environment and Natural Resources Officer (CENRO) nga kinahanglan ang immediate solution sa sitwasyon karon sang nasambit nga facilidad agud indi na magdaku ang problema.
Pormal nga i-presentar ni Engr. Maestro sa patigayunon nga City Development Council Meeting sa masunod nga tuig ang ginarequest nga pondo nga nagalab-ot sa P35-milyones nga gamiton sa nasambit nga rehabilitasyon.
Katuyuan sini nga ma-integrate na ang septage treatment machine sa area nga wala nagsunod sa poseso.
Nahibaluan pa gikan kay Maestro nga kalakip man sa P35 milyones ang madamo nga technology nga iga-introduce kag mangin mapuslanon sa water treatment facility.
