Mahimo nga makapahinay ang dalagan sang impeachment trial ni Vice President Sara Duterte sa pagpamalibad snag depensa sa stipulation sang pila ka mga dokumento.
Matandaan nga una na nga nagpamalibad sang depensa nga nai-stipulate sang pila ka mga dokumento para sa trial nga natalana nga maga-resume sa Lunes, Agosto 10.
Suno kay House prosecution spokesperson Atty. Benjamin Tolosa, makapila na ka beses nga nakapakig-angot ang prosecutors para ikumpara ang documentary exhibits antes magsugo ang trial sa lunes agud malikawan ang malawig nga authentication proceedings sa Senate Impeachment Court.
Dugang pa niya nga kon indi mapatigayon ang pagkumpara sa mga dokumento antes ang trial sa Lunes, mapilitan sila nga isa-isahon nga i-authenticate ang mga dokumento sa open court kag mapalawig pa ang nasambit nga trial.
Gin-athag man ni Tolosa nga tuyo nila nga mapadasig ang proseso sa pamaagi sang pag-stipulate sa mga dokumento nga pareho man nga hawid sang magtimbang nga bahin.
Kalakip sa mga ebidensya nga kilalahon snag depensa amo ang masobra 4,000 ka mga dokumento, kaupod ang yara sa 800 acknowledgment receipts nga may kaangtanan sa P125 million kontrobersyal nga confidential funds sang Office of the Vice President (OVP) kag Department of Education (DepEd).
