ROXAS CITY, CAPIZ – Ginpasangkad ang weekly adjustment plan para sa kaluwasan sang tanan nga buluthuan sa Roxas City.
Matandaan nga nagumpisa ang balik eskwela Hunyo 08, kun sa diin may yara na sang hugot nga ginpatuman nga security plan, lakip ang inspection sang pasulod kag paggwa sang mga estudiante sa eskwelahan, ini isa ka tikang nga ginatan-aw agud malikawan ang nahauna nga shooting incident report sa bahin San Jose National High School sa Tacloban City.
Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas Component City Police Station, iya ginpahayag nga ang pag bag-o sang pag deploy sang Philippine National Police “PNP”, personnel sa mga buluthuan nga magabantay may yara sang direkta nga koordinasyon sa tagsa ka school heads, security guards, kag watch man on duty agud malikawan ang insidente nga nagakatabo sa eskwelahan.
Suno kay Tomagtang nagumpisa ang pagpahamtang sang katapo sang kapulisan alas 6:30 tubtob alas 8:00 sa aga, yara man ang presenya sang mobile patrol, kag Police Community Relations “PCR”, section bilang preventive measures, pagsulundan nga insigida mapunggan ang kahalitan kag insidente antes paman nga matabo.
Pahayag pa niya sa gihapon may yara sang duha ka katapo sang pulis ang gina deploy sa madamo nga volume sang estudiante, agud indi naman ma abot bangud kay magbantay kag magsiguro ang malinong nga klase.
Dugang pa sa impormasyon may yara sang 50 ka katapo sang kapulisan nga naga roving, samtang ang indi naman makadtuan nga eskwelahan yara sa gihapon ang presensya sang barangay official ukon tanod nga nagabulig sa pagsekyar sang seguridad sang estudiyante.
Sa karon bangud sa mga nagakalatabo nga kun sa diin involved ang kabataan nga may dala sang armas luthang, nga nagtuga sang kahadlok kag kamatayon sa mga naulamid, ginpatigayon ang amo nga adjustment plan nga magahatag sang luwas nga komunidad.
