PONTEVEDRA, CAPIZ- Magapatigayon sang weekly inspection ang Department of Public Works and Highways (DPWH) 1st District Engineering Office sa taytay sang Barangay Intungcan, Pontevedra, Capiz.
Sa interview sang Bombo Radyo kay Engineer Julius Abela, Chief sang maintenance section sang DPWH 1st District Engineering Office, iya ginpahayag nga sa subong, amo lang anay ina ang mahimo nga pamaagi agud mahatagan sang solusyon ang pagbaha sa lugar.
Suno kay Abela, natigayon na nga natinloan ang amo nga taytay agud makita gid ang insakto nga kadakuon sini kag agud masundan sang dugang nga tikang kun paano ini nga makaayo.
Pahayag pa niya, antes kuntani nga ipanawagan ini sa National, kuntani hulaton ang aksyon sang lokal kag indi pag-iangut ang isyu sa flood control.
Dugang pa sang natungdan, kuntani magbinuligay man ang mga pumuluyo agud nga mahatagan sang solusyon ang amo nga problema kag indi lang pag-isalig sa ahensya.
Interviewed by Bombo Jessa Mae Siman De Los Santos
