ROXAS CITY – Pilason ang isa ka welder matapos nga ginaalegar na-side swipe sang tricycle sa Barangay Banica, Roxas City.
Ginkilala ang biktima nga si Anthony Britania 38-anyos sang nasambit nga lugar.
Base sa inisyal nga imbestigasyon nga samtang ginasubay sang amo nga biktima ang dalanon sakay sa iya nga motorsiklo hinali na lamang ini nga na-side swipe sang wala matumod nga driver sang tricycle.
Bangud diri, natumba ini sa iya ginamaneho nga motorsiklo rason nga nag-angkon ini sang pilas sa lawas nga gilayon naman gindapatan sang nagakaigo nga pagbulong.
Samtang, narekober naman sang mga kapulisan sa lugar nga ginluntaran sang insidente ang isa ka cellphone nga posible ginapanag-iyahan sang driver sang tricycle.
Nagapadayon naman ang imbestigasyon sang mga kapulisan agud matumod ang driver nga responsable sa nagluntad nga insidente.
