Ginaselebrar sang NASA ang madinalag-on nga mission sang Artemis II.
“There is a lot to celebrate right now on on a mission well accomplished for Artemis II,” suno kay NASA Administrator Jared Isaacman nga yara mismo sa USS John. P Murtha Navy recovery vessel sa diin pasakyon ang mga astronauts sa tion nga ma-retrieve na sila sa Orion capsule.
Pahayag niya, indi lang ini accomplishment sang NASA kundi para man sa humanity nga isa ka makasaysayan nga mission ang natigayon nga makapadulong sa bulan kag makabalik nga safe ang mga astronauts.
Gindayaw man ni Isaacman ang crew nga lunsay professional, maayo nga communicators kag ambassadors.
“I can’t imagine a better crew than the Artemis II crew that just completed a perfect mission right now. We are back in the business of sending astronauts to the moon and bringing them back safely. This is just the beginning. We are going to get back into doing this with frequency, sending missions to the moon until we land on it in 2028 and start building our base,” dugang pa sang natungdan.
Ginpahayag pa sini nga tion na agud umpisahan ang paghanda para sa Artemis III, nga ginalauman nga ilunsyar sa 2027.
