Target sang masobra 1,000 ka mga delegado sang Western Visayas ang kadalag-an sa pagbukas sang Palarong Pambansa 2026 sa Agusan Del Sur.
Sa interview sang Bombo Radyo kay Ryan Diaz, coach sang Maayon Elementary School, iya ginpahayag nga sa 1,023 ka mga delegado, 630 diri ka mga atleta ang gikan halin sa elementary, secondary kag para-games kaupod ang 94 ka coaches, 21 ka assistant coaches, 47 ka chaperons, 20 nga magaparticipate sa demo- sports, kag 4 ka management committee members.
Suno kay Diaz, bastante ang practice kag training sang mga atleta nga nag-umpisa pa sang matapos ang Western Visayas Regional Athletic Association (WVRAA).
Pahayag pa niya, komportable nga tululugan kag may yara sang nagakaigo nga supply sang tubig kag pagkaon para sa tanan nga delegado.
Dugang pa sang natungdan, tinguhaon sang tanan nga mga atleta nga makakuha sang mga bulawan nga medalya kag mangin rank 1 ukon overall champion agud malampuwasan sini ang reigning rank nga yara sa ikatatlo nga pwesto.
