Ginpanginwala sang White House ang mga report nga US nagamasakit si US President Donald Trump matapos nga naglapta ang mga litrato sang iya lagob sa wala nga kamot samtang nagatambong sa World Economic Forum sa Davos, Switzerland.
Suno sa White House, natuga lamang ini bangud sa pagkaigo sang kamot sang presidente sa kilid sang isa ka lamesa kag wala ini nagakahulugan nga pamahog sa iya ikaayong lawas.
Ginkumpirmar man ni Press Secretary Karoline Leavitt nga wala sang lagob ukon gasgas sa kamot si Trump antes ang insidente.
Apang liwat nga nagtuhaw ang espekulasyon sa ikaayong lawas sang 79 anyos nga si Trump bangud sa nauna nga lagob sa iya mga kamot nga na-obserbahan sa publiko.
Ginpanindugan sang administrasyon nga yara sa maayo nga kondisyon ang ikaayong lawas ni Trump, nga una na nga gindeklarar nga may yara sang “excellent” nga cardiovascular health sang iya doktor.
