Temporaryo nga gin-untat sang White House ang mandato nga pag-freeze sang mga federal grants kag loans.
Kadungan ini sa nangin mandato sang isa ka judge nga temporaryo nga untaton tubtob sa masunod nga Martes.
Mahibaluan nga nagpadulong sa korte ang grupo sang mga recepients kag ila ginfile ang pagpauntat sa amu nga mandato.
Gilayon man nga ginmanduan sang acting head sang White House budget office ang mga ahensiya nga temporary nga iuntat ang tanan nga aktibidad may kaangtanan sa obligasyon ukon disbursement sang tanan nga mga federal financial assistance.
Tinutuyo suno diri sang ila opisina agud mahatagan ang bag-o nga administrasyon sang oras nga ma-assess kung ano nga grants kag loans ang posible nga maapektuhan.
Matandaan sadtong Lunes, ginanunsiyo ni US President Donald Trump ang pagpauntat sa mga federal grants kag loans agud mabuhinan ang mga galastuon sang gobyerno.
