Nagapanawagan si Tedros Adhanom Ghebreyesus sang World Health Organization sa mga residente sang Tenerife, Spain nga magpabilin nga kalmado sa pag-abot sang cruise ship MV Hondius nga may kaso sang hantavirus.
Suno kay Tedros, indi dapat ipaanggid sa COVID-19 pandemic ang sitwasyon bangud manubo pa ang risgo sang hantavirus sa publiko.
Ginkilala niya nga seryoso ang Andes strain sang hantavirus matapos napatay ang tatlo ka pasahero, apang ginpahayag nga wala sang bisan sin-o sa mga sakay sang barko ang nagapakita sang sintomas sa karon.
Gin-athag man sini nga may yara sang hugot nga plano ang Espanya sa pag-evacuate sang mga pasahero paagi sa pagdala sa ila sa industrial port sang Granadilla kag direkta nga ibalik sa ila tagsa ka pungsod, agud indi na magdulot sang risgo sa publiko.
