ROXAS CITY – Ginapanindugan karon sang isa ka nakasaksi nga wala sang dala nga bag si Prince Dave Doncillo sa diin ginaalegar nakuha ang mga plastic sachet sang shabu sa ginpatigayon nga drug buy bust operation sa Sitio Bliss, Barangay Cagay.
Ginpahayag ni alyas Nono nga antes pa man nag-abot si Prince sa balay sang iya lola, nauna na ang mga pulis nga nagpangusisa kag nagpang-ukay sa mga kagamitan sa balay.
Suno kay alyas Nono nga nakibot na lamang si Prince nga matapos nakapanaug sa iya motor ginpalapitan ini sang mga pulis kag ginpapungko.
Kasunod diri ang pagposas sa mga kamot ni Prince kag pagplastar sa lamesa sang mga ginaalegar droga nga nakuha sa bag.
Nahibaluan nga ginpamangkot pa si Alyas Nono sang mga pulis kun ila nakita ang babaye nga nagabusong nga si Jocelyn Cabasilla, ang ginasiling subject person sa operasyon.
Apang suno diri nga wala na sa balay sang lola ni Prince si Jocelyn sang nag-abot ang mga pulis.
