Nakaeksperyensya sang 1-point loss ang Minessota Timberwolves sa kamot sang Utah Jazz sa iskor nga 117 – 116.
Wala napunggan sang Wolves ang comeback sang Jazz sa 2nd half sang hampang kag sa pagpanguna ni Utah forward John Collins nga nagkamada sang 29 points kag 12 rebounds sa kabug-usan.
Mahibaluan nga hawid sang Wolves ang 11-point lead sa pagtakop sang 1st half, 67 – 56, apang ginlagas ini sang Jazz sa pagsulod sang 3rd quarter.
Nagbubo naman ang Jazz sang 38 points sa ika-tatlo nga quarter kag 26 lamang ang nabalos sang Wolves, kung sa diin nangin giya ini agud dalayon na nga mapanas ang 11-point deficit kag ginbulsa sang team ang 2 puntos nga lead.
Napulo ka segundo antes matapos ang hampang sa 4th quarter, kung sa diin hawid pa sang Wolves ang 1-pt lead, 116 – 115.
Apang wala sini napunggan ang cutting dunk shot ni Utah Center Walker Kessler nga nagdul-ong sang score nga 117 – 116 nga kadalag-an.
Bangud sini, wala na nakabawi pa ang Wolves kag naeksperyensyahan ang ika-29 nga kapiyerdihan subong nga season.
Kaangut sini, wala nakahampang ang mga nagaserbi nga star player sang Wolves kag nagpanguna sa koponan ang sentro nga si Naz Reid nga nagkamada sang 27 points, 11 rebounds double-double.
Ang kadalag-an sang Jazz ang ika-15 nga kadalag-an pa lamang subong nga season samtang yara na sa 44 ang hawid nga kapiyerdihan.
