Mas ginapasangkad subong nga National Women’s Month ang paghatag importansya sa Women empowerment kag pagproteher sang mga kabnabainhan.
Ginpatun-an subong nga hapon ang kahulugan kag importansya sang Women’s Empowerment kag ang proteksyon batok sa Violence Against Women and Children (VAWC) bilang kabahin sang selebrasyon sang National Women’s Month.
Sa interview sang Bombo Radyo kay Ruffa Mae Patricio, Social Welfare Officer I sang Tapaz District Hospital, iya ginpahayag nga ang Women Empowerment ang nagakahulugan sang paghatag sang patas nga kahigayunan sa mga kababainhan sa tanan nga aspeto sang kabuhi kaangay sa edukasyon, trabaho, kag komunidad.
Suno kay Patricio, lakip man sa pagpabaskog sang women empowerment amo ang pagpatuman sang hugot sa RA 9262 ukon Anti-Violence Against Women and Their Children Act nga nagaproteher sa mga kababainhan kag kabataan batok sa ano man nga sahi sang violence.
Nahibaluan nga ang National Women’s Month ang ginaselebrar kada bulan sang Marso para kilalahon kag pasidunggan ang kontribusyon sang kababainhan sa komunidad.
Nagpanawagan man ang natungdan sa tanan nga mga kababainhan nga mangin maisog kag magapag-on sa pag-atubang sang ano man nga sahi sang pagtilaw agud mapakita ang kabaskog sa tanan nga tion.
