Ginpakigbahin sang Womens Volleyball sang Capiz State University- Pontevedra Campus ang nangin eksperyensya sa nagtakop nga InterCapsu 2025.
Sa interview sang Bombo Radyo kay Dr. Eden Alam, associate professor III kag coach sang Womens Volleyball sang Capiz State University- Pontevedra Campus, iya ginpahayag nga nangin mabudlay ang ila preparasyon bangud sang suspension sang klase tuga sang asud-asud nga bagyo nga nag-agi sa probinsya.
Suno kay Dr. Alam, nangin maid-id ang pagpili sang mga manughampang sang nagkalain-lain nga colleges sang nasambit nga buluthu-an agud nga i-represent sa nasambit nga pa-indes-indes.
Pahayag pa niya, nangin pagpanghangkat ang init sang panahon kag pagka-injured sang isa ka player apang natigayon man nga makuha ang 1st place sa nasambit nga isports.
Nagapasalamat man ang natungdan sa tanan nga nagsuporta ilabi ang mga ginikanan nga wala gid nagakataka nga magbulig sa ila mga kabataan.
