Gin-anunsyo ni Acting Senate President Pro Tempore Sherwin “Win” Gatchalian ang work-from-home (WFH) para sa tanan nga mga staff sang Senado subong nga adlaw, matapos ang pila ka mga hitabo sa Senado nga ginreport nga nakaapekto sa operasyon kag morale sang mga empleyado.
Suno kay Gatchalian, tinutuyo sang nasambit nga tikang nga mapabilin ang neutrality sang bureaucracy sang senado sa tunga sang leadership issue kag reorganization sang mga komite.
Samtang, ginpanindugan ni Senate President Alan Peter Cayetano nga magapabilin nga bukas ang Senado kag magapadayon ang nakatalana nga hearing lakip na ang Blue Ribbon Committee hearing, kag ginpanindugan sini nga may otoridad siya sa mga pasilidad sang institusyon.
Ginpahayag man ni Cayetano nga indi dapat “padlocked” ang Senado kag plano sini nga magpadulong sa session hall agud masiguro ang pagbukas sang mga hearings.
Matandaan nga ang Blue Ribbon Committee ang sadto anay ginapamunoan sang kampo ni Cayetano apang subong ginapahayag nga yara na sa idalum sang pagpamuno ni Senador Erwin Tulfo matapos ang mga pagbag-o sa majority sang Senado.
