Ginpataas na sang World Health Organization (WHO) ang risgo sang Ebola outbreak sa Democratic Republic of Congo (DRC) sa “very high” bangud sa madasig nga paglapta sang balatian.
Suno sa WHO, naglab-ot na sa 82 ang kumpirmado nga kaso kag may yara na sang pito ka napatay, samtang padayon pa ang imbestigasyon sa mga suspected cases kag deaths.
May kapin sa 170 ka suspected deaths kag halos 750 ka posible nga kaso nga padayon pa nga gina-imbestigaran sang mga otoridad sa DRC.
May mga kaso man nga narekord sa Uganda gikan sa mga biyahero gikan sa Congo, kag ang pila ka mga pasyente ginsaylo sa luwas sang pungsod para sa pagbulong.
Padayon nga ginatun-an sang WHO ang mga posible nga bulong kag istrikto nga contact tracing agud malikawan ang mas malapad nga paglapta sang Ebola.
