Sulod na ang Pinoy kag world’s No. 2 pole vaulter Ernest John “EJ” Obiena sa finals sa nagapadayon nga Paris Olympics 2024.
Bag-o ini, duha na ka beses pumalya si Obiena sa 5.60 m height pero madinalag-on naman sini nga na-clear ang 5.70 sa iya nga ikatlo kag ulihi nga attempt para sa Men’s Pole Vault.
Nangin kabahin si EJ sang best-12 performance sa nasambit nga event para sa finals.
Si Obiena ang isa sa mga gapanguna nga bet sang Philippine team nga makakuha sang medalya sa Paris Olympics, kasunod na man sang mga manami sini nga mga record nga kun sa diin nahimo sini nga lumpaton sang lapaw sa 6 meters sang duha ka beses sa mga international competition nga iya ginkalakipan.
Apang, nagapati naman si Philippine Athletics Track and Field Association president Terry Capistrano nga indi nangin madali ang tanan amo, tubtob sa karon, indi sila magpakampate.
Sa karonn, hawid ni world No. 1 Duplantis ang highest record, samtang ang world No. 3 nga si Sam Kendricks sang USA ang nakapagrekord man sang 6.06 meters.
Si Obiena ang ginakilala nga una nga lalaki nagikan sa Asya nga nahimo nga lumpaton ang masobra 6 meters. Nairekord niya ini sadtong Hunyo 10, 2023 sa Bergen, Norway.
