Ginpatigayon sang Local Government unit sa syudad kag probinsya sang Capiz ang wreath laying ceremony bilang pagdumdom sang 78th death anniversary ni Former President Manuel Roxas iya Monumento sa Roxas City.
Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga ang pag-comemorate sa kamatayon ni former president amo ang pagdumdom sang importansya sang iya mga kontribusyon sa pungsod kag nagapabaskog sang patriotism sa mga pumuluyo.
Suno kay Galagate, isa sa pinaka-importante nga mensahe nga ginbilin ni Roxas amo ang “Bayan muna bago ang sarili,” nga nagasaad nga unahon ang interes sang pungsod antes sang personal nga interes.
Dugang pa niya, nagakadapat nga ang gobyerno magaserbi bilang ehemplo kag magasunod sa mga prinsipyo nga ginbilin sang former president Roxas agud mapauswag ang maayo nga pagdumala sa pungsod.
