Preparado na ang kandidato sang West Visayas State University (WVSU) sa Mr. and Ms. Regional Association of State Universities and Colleges (RASUC) nga pagahiwaton sa University of Antique sa Pebrero 23, 2026.
Sa interview sang Bombo Radyo kay Mr. Paul Castor Janobas, Information and Communications Technology student, iya ginpahayag nga ang Mr. and Ms. RASUC ang ginapartisiparan sang nagkalain-lain nga state universities and colleges agud mapakita ang beauty, brain kag kultura sang Western Visayas.
Suno kay Janobas, inspirasyon sini sa pag-intra sa pageantry amo ang iya nga katungdan bilang Sanguniang Kabataan (SK) Chairperson, kag bilang Information and Communications Technology student bangud nagabulig ini sa iya ihibalo sa teknolohiya, kag leadership nga mahimo mapasundayag sa regional pageant.
Ang advocacy niya amo ang “Youth Empowerment” agud mapabakod pa ang kumpyansa sang mga kabataan, “Digital Literacy” para sa paggamit sang teknolohiya sang insakto kag “Civic Engagement” nga magatudlo sa kabataan nga mangin wise sa pagpili sang mga lider para sa palaabuton.
