Nakakuha sang 100 percent passing rate ang West Visayas State University ukon WVSU sa August-September 2026 Philippine Nurses Licensure Examination sa ikapito na ka sunod-sunod nga tuig nga nakarekord ini sang amo nga resulta.
Suno sa WVSU, 89 sa 89 ka mga examinees sang unibersidad ang nakapasar sa nasambit nga licensure examination.
Duha man sa mga graduates sang WVSU ang nakasulod sa Top 10.
Sa interview sang Bombo Radyo kay Dr. Joselito Villaruz, President sang West Visayas State University, iya ginpahayag nga resulta ini sang padayon nga pagpanikasog sang mga estudyante, teachers kag administrasyon sang unibersidad.
Suno kay Villaruz, ginahatagan sang unibersidad sang husto nga learning facilities kag maayo nga learning environment ang mga estudyante agud mangin handa sila sa board examination kag sa ila palaabuton nga trabaho bilang mga nurses.
Dugang pa sini, ginapadayon sang WVSU ang culture of excellence kag quality sa edukasyon agud maproduce ang mga nurses nga may kaalam kag ikasarang nga makaserbisyo indi lamang sa Pilipinas kundi pati man sa iban nga pungsod sa bilog nga kalibutan.
