Ginapangabay sang Western Visayas Transport Cooperative (WVTC) sa gobyerno nga pasakaan ang plete sang pila ka mga bus bangud sa padayon man pagsaka sang presyo sang gatong, kasunod sang nagalala nga sitwasyon sa Middle East.
Sa interview sang Bombo Radyo kay Mr. Boyet Parcon, Chairman sang WVTC, iya ginpahayag nga tuman ka daku ang epekto sang padayon nga pagtaas sa presyo sang gatong sa income sang mga drivers.
Suno kay Parcon, Halin sa P700 nga normal nga kita sang mga divers sa kada adlaw, nahimu nalang ini sa P300.
Pahayag pa sini nga ang pagtaas sang plete makabulig sa pagpadayon sang operasyon sang transport service.
Dugang pa ni Parcon, nga magapadayon ang pagsaka sang presyo sang gatong, mapilitan ang kooperatiba nga ibuhin sa 50% ang units nga magabiyahe.
Nahibaluan nga ang kooperatiba may yara sang 7,000 ka miyembro
