Maritime Industry Authority bangud sang iya ginatawag nga maluya kag ulihi nga aksyon kada may nagakatabo nga trahedya sa kadagatan.
Suno kay Yamsuan, permi na lang nga nagahulag ang MARINA pagkatapos na lang matabo ang disgrasya imbes nga magpatuman sang mas istrikto nga preventive measures agud malikawan ang mga aksidente sa dagat. Ginduso niya ang ahensya nga magpakita sang mas aktibo kag madinalag-on nga pagmonitor sa mga barko kag iban pa nga sasakyang pandagat.
Ginpabutyag man sang kongresista nga kinahanglan palig-unon sang MARINA ang pag-inspeksyon sa mga barko kag siguraduhon nga nagasunod ini sa mga safety standards antes pa man magbiyahe. Para sa iya, importante nga may yara sang padayon nga pagpatuman sang mga regulasyon agud maprotektahan ang kabuhi sang mga pasahero kag tripulante.
Dugang pa niya, indi dapat maghulat ang gobyerno sang sunod nga trahedya antes maghimo sang mga tikang para mapabakod ang seguridad sa kadagatan
