Nagapati ang Youth Against Kurakot Coalition nga may daku nga papel ang kabataan sa pagpanawagan sang transparency kag accountability sa gobyerno.
Sa interview sang Bombo Radyo kay Frank Araneta, Co-convenor sang grupo, iya ginpahayag nga kinahanglan nga magpanindugan ang mga kabataan agud mabantayan ang paggamit sang pondo sang publiko kag mapanabat ang mga opisyal nga mapamatud-an nga naglapas sa ila katungdanan.
Suno kay Araneta, importante nga indi magpabilin nga tikom ang bibig sang kabataan sa mga isyu nga nagakaapekto sa palaabuton kag sa kaayuhan sang pungsod.
Dugang pa sini paagi sa aktibo nga partisipasyon kag pagpakigbahin sang mga opinyon, mahimo nga mangin kabahin ang kabataan sa pagpasanyog sang maayo nga panggobyerno kag mas matinlo nga serbisyo publiko.
