Nagapanawagan ang Youth Against Kurapsyon nga mapapanaog si Senate President Alan Peter Cayetano tungod sang ginaalegar pagkadula sang integridad sang Senado.
Sa interview sang Bombo Radyo kay Frank Araneta, co-convenor sang Youth Against Kurakot Coalition, iya ginpahayag nga indi dapat nga gamiton ni Cayetano ang Senado agud proteheran ang mga personalidad nga may mga mabug-at nga alegasyon.
Suno sa iya, daw kaangay nagaluya ang kredibilidad sang Senado bangud sa nagkalain-lain nga tensyon kag kontrobersiya nga may kaangtanan sa pagpatuman sang warrant of arrest batok kay Senador Ronald “Bato” dela Rosa.
Pahayag pa niya, ang Senado dapat magpabilin nga simbolo sang transparency, accountability, kag demokrasya para sa publiko.
Nanindugan man ang grupo nga magapadayon sila sa ila panawagan tubtob sa may mabaton nga aksyon nga tikang gikan sa Senado.
