Ginkondenar sang Youth Rage Against Corruption group ang pag-approve sa third and final reading ang Senate Bill No.2387 nga may tinutuyo nga palawigon ang termino sang mga barangay kag Sangguniang Kabataan officials.
Sa interview sang Bombo Radyo kay Joaquin Buenaflor, Convenor sang Youth Rage Against Corruption, iya ginpahayag nga unconstitutional ang nasambit nga tikang bangud kasubong nga ginakaksan sang oportunidad ang mga botante nga makapili sang mga lider nga luyag nila magpamuno.
Suno kay Buenaflor, ang pagpalawig sang termino ang indi makabulig sa pagkinot sang pondo kundi mahimo pa nga magatugot sa posible lapnagon nga korapsyon.
Dugang pa sini, hatagan man dapat sang kahigayunan ang mga bag-o nga lideres nga may potensyal sa pagpamuno sa komunidad.
(PBBM)
Nagalaum man ang natungdan nga tun-an anay ini ni President Ferdinand Marcos Jr. antes niya pirmahan kag ipatuman bilang layi.
