Nanotisyaran sang Parish Pastoral Council for Responsible Voting (PPCRV) nga ang “youth votes” ang nangin “game changer” sa eleksyon sang pagka-senador sang tinalikdan nga Mayo 12, 2025.
Madumduman nga wala sang numero sa mga nagligad nga surveys ang pila ka mga kandidato, partikular na sanday Senator-elect Bam Aquino kag Kiko Pangilinan.
Para sa PPCRV, daku ang nangin papel sang mga pamatan-on sang nag-gulpi dako ang numero sini sa tinalikdan nga pinili-ay.
Suno pa sa citizen’s arm, dalayawon ang pagpartisipar sang mga botante subong, ilabi na sa mga pamatan-on.
Ginapahayag nga sang-una sa ti-on sang midterm elections lang, manubo ang turn-ot bangud nga nagadamo ang botante sa ti-on lamang sang presidential race.
Suno man kay Namfrel Secretary General Eric Alvia, magluwas sa boto sang Gen Z kag millennials, nakabulig man ang epektibo nga kampanya kag suporta gikan sa nagkalain-lain nga political groups sang mga nagdaog nga kandidato.
