Malipayon nga ginkumpirma sang aktor nga si Zaijian Jaranilla nga masobra na isa ka tuig nga naga-updanay sila sang aktres nga si Gela Atayde.
Suno kay Zaijian, malipayon sila ni Gela kag naglawig na sang mga isa ka tuig kag tunga ang ila relasyon.
Dugang pa sang aktor, wala siya sang nakita nga problema sa low-key ang ila relasyon kag wala ini nagakahulugan nga may ginatago sila sa publiko.
Gin-athag man ni Zaijian nga bilang mga public figures, wala ini nagakahulugan nga iya sila sang iban nga tawo ukon dapat nila ipaambit sa social media ang tanan nga nagakatabo sa ila kabuhi.
Pahayag pa niya, luyag lamang nila nga ipabilin ang privacy kag himuon nga safe space ang ila relasyon, ilabi na sa tunga sang mga judgmental comments kag pagpalapta sang impormasyon sa social media.
Matandaan nga sang Agosto 23, gin-share ni Gela ang mga litrato nila ni Zaijian bilang birthday greeting sa aktor, lakip na ang mensahe kag nagapabutyag sang iya pagpalangga.
