Ginpahayag ni Jonvic Remulla nga yara subong sa Paris, France si anay Ako Bicol Rep. Zaldy Co kag ginakabig nga nagaistar sa isa ka malahalon nga 10-bedroom nga balay sa Champs-Élysées.
Suno kay Remulla, ang nasambit nga propedad ang yara malapit sa isa ka sikat nga luxury brand store kag ginabulubanta nga nagalab-ot sang tubtob $200 milyones ukon mga P14.18 bilyon.
Ginpahayag man sang secretary nga kampante siya nga mapabalik si Co sa Pilipinas antes matapos ang iya asylum application sa France.
Matandaan, Si Co nagaatubang sang kaso nga graft kag malversation may kaangtanan sa ginapahayag maanomalya nga P289.5 milyon nga flood control project sa Oriental Mindoro.
Suno pa nga nag-agi siya sang isyu sa pagbiyahe matapos matigayon sa Prague, apang nag-file sang asylum application sa France.
Dugang man sang Department of Justice nga nagapakig-angut ang gobyerno sa French authorities agud mapunggan ang posible nga paghatag sang asylum sa iya.
Apang ginpahayag sang abogado ni Co nga wala sang kamatuoran ang alegasyon nga siya ang tag-iya sang nasambit nga mansion sa Paris.
