-- ADVERTISEMENT --
Patay ang pito ka-tawo matapos ang lapnagon nga airstrike sang Russia sa Dnipro City sa Ukraine.
Suno kay Ukrainian President Volodymyr Zelensky, natabo ang pag-atake sang tubton kaagahon kag padayon pa ang operasyon sang mga rescuers agud pangitaon ang mga possible nga nakaluwas sa nagkalarusdak nga mga buildings.
Samtang, nagbulig ang mga fighter jet sang United Kingdom nga naka-base sa Romania matapos masiplatan ang mga Russian drones nga malapit sa ila nga border.
Ginkondena ni Zelensky ang padayon nga pag-atake sang Russia nga suno sa iya nagtuga sang lapnagon nga halit sa mga sibilyan.
Ginsigurado man niya nga magabalos ang Ukraine sa nasambit nga pag-atake.
-- ADVERTISEMENT --
