Gin-athag ni Roxas City Councilor Fernando Luis Viterbo nga ini ang una nga kahigayunan nga magapatuman sang ordinansa para sa mandatory drug testing sa tanan nga opisyal kag empleyado sang Local Government Unit (LGU) sa Roxas City.
Sa interview sang Bombo Radyo kay Councilor Viterbo, iya ginpahayag nga mangin random ang drug testing sa idalom sang nasambit nga ordinansa.
Suno kay Viterbo, importante nga mangin maayo nga ehemplo ang tanan nga opisyal sang gobyerno, lakip na ang mga barangay officials sa syudad.
Ginpahayag man sini, nga ang mga opisyal ukon barangay officials nga mapamatud-an nga nagagamit sang ilegal nga druga mahimo nga mapisa sa serbisyo.
Katuyuan sang ordinansa amo ang zero tolerance kontra ilegal nga druga sa syudad sang Roxas.
