Nagapati si anay Senate President Juan Miguel Zubiri nga kinahanglan nga mahatagan sang nagakaigo nga bulig sang gobyerno ang mga lokal nga mangunguma agud matuman ang ginahandum sang gobyerno nga mapanubo ang presyo sang bugas sang pungsod.
Suno sa Senador, ini ang nakikita sini nga magadugay nga solusyon sa madugay naman nga problema sang Pilipinas sa mga bugas nga halos di na sarang nga i-avail sang mga ordinary nga Pilipino.
Ginhimo ni Zubiri ang reaksyon matapos nga mapamangkot tuhoy sa pagdeklarar sang Department of Agriculture sang food security emergency sa pungsod.
Ang deklarasyon ang naga-obliga sa National Food Authority nga magpaguha sang ila buffer stock nga bugas agud ibaligya.
Punto ni Zubiri, kinahanglan na nga himuon ini sang gobyerno agud makuha sang Pilipinas ang pagiging rice sufficient sini kag indi na lamang permi nagasalig sa pag-import sang bugas.
Ang pagdepende sa importasyon ang posible nga makaapekto sa produksyon sang bugas sa Pilipinas kag indi na magtanom sang Palay ang mga mangunguma.
Dugang pa sini nga kinahanglan nga ikabig ang importasyon sang bugas bilang last option lamang kag ang una nga dapat tutukan amo ang suporta sa mga lokal nga mangunguma.
