Nagdugok ang mga bumalakal sa pagbukas sang pinakauna nga Kadiwa Store sa Bicol nga nagatanyag sang ₱20 ukon “Benteng Bigas sa Municipal Food Terminal sang Libmanan, Camarines Sur.
Suno sa DA Bicol, ginpangunahan sang Mambalite-Palangon Farmers Irrigated Association (MAPAFIA) ang nasambit nga programa bilang una nga accredited group sang Food Terminal, Inc. sa rehiyon nga nagbaligya sang NFA rice sa manubo nga presyo.
Suno kay MAPAFIA President Florentino Umali, handa sila nga maghatag sang serbisyo nga wala sang ginansya agud mas madamo pa nga mga Bicolano ang makabenepisyo.
Samtang, dako naman ang pagpasalamat ni Mayor Edelson Marfil kay Presidente Ferdinand Marcos Jr. bangud sa nasambit nga programa kag ginpasalig ang suporta sang LGU sa pagpadayon sini.
Nahibaluan nga ang Mambalite-Palangon Farmers Irrigated Association (MAPAFIA) ang may yara sang 112 ka mga miyembro ang accredited man bilang Kadiwa Consolidator kag nagabaligya man sang iban pa nga produkto sa agrikultura.
