ROXAS CITY – Isa ang patay kag isa ang pilason sa natabo nga naglab-anay gamit ang binangon sa Barangay Intampilan, Panit-an, Capiz.
Ginkilala ang napatay nga si Edwin Delfin, 60-anyos, samtang pilason si Jose Rex Dasig, 49-anyos, nga lunsay residente sang nasambit nga lugar.
Sa inisyal na imbestigasyon sang Panitan Municipal Police Station nga ginasundan ni Delfin si Dasig nga may dala nga bato kag binagon.
Kasunod sini ang pagsinggit sang biktima sa suspek nga nangin rason sang pagbalik ni Dasig kag diri nagsugod ang paglab-anay sang duha.
Gilayon nga gindala sa ospital ang biktima, apang gindeklara ini nga dead on arrival sang doktor bangud sa patal nga pilas nga naangkon sa liog kag nawong.
Samtang padayon nga ginabulong sa Capiz Emmanuel Hospital ang suspek nga nag-angkon sang pilas sa iya dughan kag ulo.
Narekober sang mga kapulisan ang binangon nga dala sang biktima apang wala makita ang binangon nga bitbit naman sang suspek.
