ROXAS CITY – Isa patay, isa pilason matapos naigu sang kilat sa Barangay Malocloc Sur, Ivisan, Capiz.
Ginkilala ang napatay nga biktima kay Frederick Medalla, tumandok sang Quezon province apang nakapangasawa sa banwa sang Ivisan.
Base sa inisyal nga impormasyon, nagikan sa punong ang biktima kaupod ang duha sini ka mga kumpare nga sanday Fredy Uadan kag Danilo Macato.
Samtang mabaskog ang ulan, padayon nga nagalakat ang tatlo sa pilapil sang hinali na lamang nagkilat.
Diri kag naigu sang kilat sanday Medalla kag Uadan samtang nakaluwas naman si Macato nga sadto malayo ang distansiya sa duha.
Gindala pa sa Roxas Memorial Provincial Hospital ang mga biktima apang gilayon man nga ginbawian sang kabuhi si Medalla.
Padayon naman nga ginabulong sa nasambit nga ospital si Uadan.
