Ginkumpirma sang Department of Foreign Affairs (DFA) ang pagkapatay sang isa ka Pilipina sa Israel matapos in inga gin-igo sang missile attack sa syudad sang Haifa, Israel sang Dominggo, Abril 5.
Sa opisyal nga pahayag, nagpalab-ot sang pagpakig-unong ang DFA sa pamilya sang nagtaliwan.
Samtang, kalakip man sa mga napatay ang Israeli national nga asawa sang biktima, subong man ang iya nga ugangan, sandig sa report.
Suno sa ahensya, gilayon na nga nagapakig-koordinar ang Philippine Embassy sa Tel Aviv sa mga himata sang biktima sa Pilipinas agud ipalab-ot ang natabo kag siguraduhon ang paghatag sang ginakinahanglan nga bulig. Kalakip diri ang pag-asikaso sa repatriation sang mga bangkay sang nagtaliwan, sa pihak sang naga-egsister nga tensyon sa rehiyon.
Ginsiguro man sang DFA nga padayon ini nga magahatag sang suporta sa pamilya, kalakip ang pinansyal kag iban pa nga sahi sang assistance, samtang nagapanawagan sang mga pangamuyo para sa kalinong kag seguridad sang mga Pilipino nga yara sa Israel.
