-- ADVERTISEMENT --

Padayon ang search and rescue operations sa isa ka candy factory sa Banten, Indonesia matapos nagluntad ang sunog.

Suno sa kapulisan, 24 na ka mga body bag ang narekober sa lugar, samtang 30 pa ang missing. Ginabulubanta nga 300 ka mga empleyado ang yara sa sulod sang pabrika sang natabo ang insidente.

Bangud sa kabaskugon sang sunog, indi matumod ang mga bangkay sang mga biktima, gani kinahanglan ang DNA testing agud mahibaluan ang ila identity.

Natalana kuntani nga ibalik ang search and rescue operations sa Lunes sang aga, apang nabalabagan ang operasyon bangud sa risgo nga marumpag ang pila ka bahin sang naguba nga building.

Nagakuha man sang DNA samples ang mga otoridad sa mga himata sang mga nadula nga trabahador. Ginalauman nga magalawig sang duha tubtub tatlo ka semana ang proseso sang pagkilala sa mga biktima.

-- ADVERTISEMENT --

Samtang, nagpalab-ot naman sang simpatiya kag pagpangayo sang pasaylo ang chief executive officer sang kompaniya nga si Steven Wijaya sa mga empleyado kag pamilya nga apektado sang trahedya, kag padayon ang imbestigasyon sang mga otoridad sa gintunaan sang sunog.