-- ADVERTISEMENT --

Patay ang Apat ka mga indibidwal samtang 35 ang pilason matapos nagluntad ang sunog sa isa ka power station sa southern Iraq.

Base sa report, madinalag-on nga napalong sang Civil Defense Directorate ang kalayo sa Hartha Power Station kag mga malapit nga panimalay sini.

Bangud sa natabo, napilitan nga mag-untat ang operasyon sang amo nga pasilidad nga may kapasidad nga maka-generate sang 800 megawatts sang kuryente.

Sa mga video nga nagalapta sa social media, makita ang madamol nga aso nga nagahalin sa lugar, mga salakyan nga ginalamon sang kalayo, kag mga pumuluyo nga nagalantaw samtang ginapatigayon ang emergency response.

Sa subong, wala pa matumod ang gintunaan sang sunog.

-- ADVERTISEMENT --