-- ADVERTISEMENT --

Ginpatunog na crisis alarm sa mga estado sang Fiji kag Tonga sa South Pacific may kaangtanan sa grabe nga init nga naeksperyensyahan sini bangud sang El Niño phenomenon.

Suno sa gobyerno sang Fiji, ang nagapadayon nga drought season sa rehiyon nag-igo sa “crisis thresholds” — isa ka butang nga nagtulod sa deklarasyon sang isa ka pungsodnon nga kalamidad.

Nagakabalaka naman si Fiji Prime Minister Sitiveni Rabuka, sa suplay sang tubig kag iban pa nga kahalitan nga matuga sang malawig nga drought season.

Base sa lokal nga report, ang supply sang tubig sa pungsod naganubo sa makaalarma nga lebel kon sa diin ang mga otoridad nagapadala sang dinosena ka mga trak agud magdul-ong sang mga suplay sa mga baryo nga naigo sang grabe nga init.

Suno kay Acting Prime Minister Viliami Latu, ang ini nga deklarasyon ang makabulig sa emergency services sa pagsabat sa mga kinahanglanon may kaangtanan sa krisis.

-- ADVERTISEMENT --