Gin-anunsyo ni United States President Donald Trump ang isa ka bag-o kag makasaysayan nga kasugtanan sa negosyo sa tunga sang Estados Unidos sang Amerika kag Pilipinas pagkatapos sang iya pagkit-anay kay President Ferdinand “Bongbong” Marcos Jr.
Ginpahayag ni Trump nga ang amo nga kasugtanan makahatag sang daku nga benepisyo, ilabi na sa mga mangunguma kag sa mga yara sa sektor sang enerhiya sang Amerika.
Ginlaragway niya ini nga isa ka “true landmark” kag nagsiling nga sila ni Marcos may maayo nga paghambalanay nahanungod sa negosyo, seguridad sang pungsod, kag iban pa nga mga bagay.
Gindayaw man ni Trump si Marcos nga iya gintawag nga gamhanan kag may mataas nga integridad nga lider.
Apang wala naghatag sang dugang nga detalye si Trump sa kaundan sang bag-o nga trade deal sa iya pahayag.











