-- ADVERTISEMENT --

Pito ka mga ginapatihan katapo sang New People’s Army (NPA) ang naka-engkwentro sang mga suldado sang 50th Infantry Battalion Philippine Army sa Barangay Dulao, Malibcong, Abra.

Suno sa Malibcong Municipal Police Station, nagapatrolya ang mga suldado sang nasumalang nila ang armado nga grupo nga ginapatihan ginapanag-iyahan sang Ilocos-Cordillera Regional Committee sang NPA.

Natapos ang engkwentro las 6:18 sang gab-i kag wala sang may ginreport nga napatay ukon napilasan sa magtimbang nga bahin.

Naglatag ang militar sang mga blocking position agud mapunggan ang pagpalagyo sang grupo, apang temporary nga ginsuspinde ang operasyon pag-abot sang gabi.

Wala pa sang kumpirmasyon kung ipadayon ang mga ini.

-- ADVERTISEMENT --

Nagpanugyan naman ang mga otoridad sa mga residente nga magpabilin sa sulod sang ila mga puluy-an sa tion nga may engkwentro kag gilayon nga i-report sa kapulisan ang anuman nga impormasyon may kaangtanan sa nahamtangan sang mga armado nga grupo.

Madumduman nga sang Agosto 2026, tatlo ka mga ginapatihan katapo sang NPA ang napatay sa engkwentro sa tunga sang militar kag napulo ka mga armado nga indibidwal sa Licuan-Baay, Abra.