-- ADVERTISEMENT --

Nagbutang sang bag-o nga Guinness World Record ang performance painter nga si David Garibaldi matapos ang pagpinta sang Statue of Liberty sa sulod lamang sang 43.5 seconds.

Gin-anunsyo ang iya kadalag-an kadungan sang selebrasyon sang ika-22 nga Guinness World Records Day.

Suno kay Garibaldi, tuyo niya nga magbutang sang bag-o nga sulundan sa kadasigon sang pagpinta kag maghatag inspirasyon sa mga kabataan kag mga tigulang nga testingan ang ila mga ikasarang kag malab-ot ang ila mga handom.

Ginhimo niya ang pagtinguha sa New York City nga may maathag nga talan-awon sang bantog nga monumento.

Suno sa Guinness World Records adjudicator nga si Michael Empric, nagakaigo nga himuon ang pagtinguha sa baybayon sang New York, nga nagalantaw sa Statue of Liberty, bilang kabahin sang selebrasyon sang pinasahi nga mga kadalag-an sa bug-os nga kalibutan.

-- ADVERTISEMENT --