Ginhingyo ni House impeachment prosecutor Terry Ridon sa korte nga kuhaon sa official record ang pahayag ni defense counsel Sheila Sison nga nausik lang ang oras sang korte sa pagpadayon sang impeachment trial kay Vice President Sara Duterte.
Ang mainit nga pagbayluhanay nag-ugat sang ginpaathag ni Sison kon ngaa indi makatambong ang mga saksi sang depensa sa natalana nga mga trial sa masunod nga semana.
Ginpahayag ni Sison nga ang kampo sang depensa naghalong sa paggamit sang tion sang korte, wala nag-abuso sa korte, kag wala nag-uyang sang tatlo ka bulan sa pagpresentar sang mga saksi nga pagabawion man sa ulihi.
Gilayon naman nga nag-file sang “move to strike” motion si Ridon batok sa nasambit nga pahayag, apang ginpanindugan ni Sison nga kamatuoran lang ang iya ginapresentar.
Bilang sabat, ginpanindugan ni Ridon nga wala nauyang ang oras sang korte kag ginhatagan pagtamod nga dapat klaruhon ang bagay sa atubang sang impeachment court.
Ang pahayag ni Sison nagaumod sa tikang sang prosekusyon sang Oktubre 2026 sa diin ginhingyo sini ang pagbawi sang tatlo sa apat ka mga articles of impeachment, nga may kaangtanan sa confidential funds, bribery, kag grave threats, agud itutok ang trial sa nabilin nga reklamo sang wala mapaathag nga manggad.











