-- ADVERTISEMENT --

Patay ang Anum ka tawo, lakip ang isa ka bata, matapos nga narumpag ang bahin sang lima ka panalgan nga apartment building kasunod sang ginapatihan paglupok sang natural gas sa Tbilisi, Georgia.

Suno sa mga otoridad, posible naghalin ang paglupok sa ikalima nga panalgan sang gintuyo nga buksan sang isa ka residente ang gas heater.

Samtang, isa ka tatlo ka tuig nga bata nga babaye ang nasalbar nga buhi matapos ang pila ka oras nga rescue operation kag yara na sa estable nga kondisyon sa subong.

Ginabulong man sa intensive care ang isa ka 11-anyos nga bata nga lalaki.

Bangud sa kahalitan sang building, 28 ka pamilya ukon masobra 100 ka mga residente ang temporaryo nga i-evacuate sa mga hotels.

-- ADVERTISEMENT --