-- ADVERTISEMENT --

Nagdesisyon si Miss Universe Philippines 2023 Michelle Dee nga mag-atras sa iya palaabuton nga competition sa Miss Grand International All Stars matapos nga nagpaidalum sa appendectomy.

Sa isa ka opisyal nga pahayag nga ginpaguwa ni Dee online, ginkumpirmar niya ang iya pag-atras agud magpag-ayo gikan sa operasyon.

Ini matapos ginreport nga gindala sa ospital si Michelle sang Nobyembre 9 matapos nga nakabatyag sang tuman nga kasakit sa tiyan sa diin gilayon ini nga ginpaidalum sa emergency appendectomy.

Ginpanugyanan man sang iya medical team nga sundon ang iya recovery timeline kag ginpanugyanan nga likawan ang long-term physical activities kag full body stretching agud malikawan ang mga komplikasyon samtang naga-recover.

Ang pagpasakop ni Dee sa sini nga competition amo ang iya madugay na nga ginahulat nga pagbalik sa industriya, kon sa diin pagaupdan siya sang mga kaupod nga Pinay beauties nga sanday Alexie Brooks kag Anne Patricia Lorenzo Diaz.

-- ADVERTISEMENT --