Nagbutang sang bag-o nga Guinness World Record ang isa kastuntman gikan Poland matapos nagtabok sa zip line samtang nagakalayo ang iya lawas.
Ginkilala ang stuntman kay Stanisław Madej, 43-anyos, nga nagtabok sa distansya nga 568 feet kag 6.8 inches samtang nagakalayo ang iya bug-os nga lawas.
Ginhimo ni Madej ang makatalagam nga stunt sa Łódź, Poland, sa pagtinguha nga makuha ang Guinness World Record para sa pinakamalawig nga distansya nga natanok sa zip line samtang nagakalayo.
Suno kay Madej, naggamit ini sang special protective clothing kag nagbutang sang water-based gel agud maproteksyunan ang iya lawas batok sa tuman nga kainit.
Apang, ginpanindugan sini nga ang kalayo nagapabilin nga makatalagam kag indi mapaktan, gani ang tuman nga paghalong, konsentrasyon kag bastante nga ihibalo ang kinahanglanon sa paghimo sang amo nga stunt.











