-- ADVERTISEMENT --

Nakabaton sang Gold Merit Award sa Independent Innovator Category ang isa ka fourth-year Chemistry student sang West Visayas State University (WVSU) sa 2026 Idlab Awards nga ginpatigayon sang Nobyembre 12.


Sa interview sang Bombo Radyo kay Sheenlou Eian M. Bartolome, fourth-year Chemistry student sang WVSU, iya ginpahayag ang iya mga inobasyon nga nakasentro sa sustainable biomaterials, environmental monitoring kag agricultural technologies.


Suno kay Bartolome, lakip sa iya mga nahimo ang biodegradable materials kag paggamit sang Internet of Things (IoT) para sa pag-usisa sang kahimtangan sang duta nga mahimo makabulig sa sektor sang agrikultura.

Nakuha sini ang pinakamataas nga pagkilala sa iya kategorya kag nag-angkon sang nagaisahanon nga Gold distinction nga ginhatag sa 2026 Idlab Awards.

Siya man ang nagtukod sang CARBNØ Biotechnology Group, isa ka research initiative nga nagadevelop sang sustainable biomaterials nga nagahalin sa marine resources paagi sa applied chemistry kag materials science.

-- ADVERTISEMENT --

Dugang pa sang natungdan nga ang amo nga pagkilala ang makahatag sang inspirasyon sa mga pamatan-on kag estudyante mahimo mangin kabahin sang pagpauswag sang syensya kag teknolohiya paagi sa ila mga research kag inobasyon.